မေးခိုင်ရောဂါဟာ Clostridium Tetaniလို့ခေါ်တဲ့ ဘတ်တီးရီးယားပိုးကြောင့် ဖြစ်ပွား ရခြင်းဖြစ်ပါတယ်။ ၎င်းရောဂါပိုးဟာ ခန္ဓာကိုယ်ရဲ့ ပြတ်ရှဒဏ်ရာများ၊ အနာများမှတဆင့် ၀င်ရောက်လာပြီး အသက်ဆုံးရှုံးသည်အထိဖြစ်နိုင်ပါတယ်။ ဒီရောဂါကိုကာကွယ်ဆေးထိုးခြင်းဖြင့် ကြိုတင်ကာကွယ်နိုင်ပါတယ်။
ကိုယ်ဝန်ဆောင်ကာလမှာ မေးခိုင်ကာကွယ်ဆေးထိုးခြင်းဖြင့် မိခင်လောင်းသာမက ကလေးငယ်အတွက်ပါ ရောဂါကြိုတင်ကာကွယ်နိုင်မှာဖြစ်သလို လမစေ့ဘဲကလေးမွေးဖွားခြင်းကိုလဲ ကာကွယ်နိုင်မှာဖြစ်ပါတယ်။ ဒါကြောင့် မိခင်လောင်းများအနေနဲ့ မေးခိုင်ရောဂါကာကွယ်ဆေးကို ထိုးထားသင့်ပါတယ်။
ပထမအကြိမ် ကိုယ်ဝန်ဆောင်သူတွေအနေနဲ့ ပထမအကြိမ် ကာကွယ်ဆေးကို ကိုယ်ဝန်ပထမ 3 လ ကာလ (ပထမအကြိမ်ကိုယ်ဝန်စောင့်ရှောက်မှုခံယူချိန်) တွင် ထိုးရမှာဖြစ်ပြီး၊ ဒုတိယအကြိမ် ကာကွယ်ဆေးထိုးခြင်းကို ပထမအကြိမ်ဆေးထိုးပြီး 4 ပတ်မှ 8 ပတ်အကြာမှာ လုပ်ဆောင်သင့်ပါတယ်။
တတိယအကြိမ်ကာကွယ်ဆေးကိုတော့ ဒုတိယအကြိမ်ဆေးထိုးပြီး 6 လအကြာမှာ ထိုးသင့်တယ်လို့ ကမ္ဘာ့ကျန်းမာရေးအဖွဲ့အစည်းကြီး (WHO) က အကြံပြုထားပါတယ်။
တတိယအကြိမ်ထိုးထားတဲ့ ကာကွယ်ဆေးဟာ နောင် 5 နှစ်အထိ မေးခိုင်ရောဂါဖြစ်ခြင်းမှ ကာကွယ်မှုပေးနိုင်မှာဖြစ်ပါတယ်။ ဒီမှာကတော့ 2 ကြိမ်ပဲထိုးတာ များပါတယ်။
2 ကြိမ်ထိုးထားရင်ကို 1 နှစ်က နေ 3 နှစ်အထိ အကာအကွယ်ပေးနိုင်ပါ တယ်။
အကယ်၍ ပထမကိုယ်ဝန်ဆောင်ပြီး နောက်နှစ်နှစ်အတွင်း ဒုတိယအကြိမ် ကိုယ်ဝန်ဆောင်ဖြစ်တယ်ဆိုရင်တော့ Booster အနေနဲ့ တစ်ကြိမ်သာထပ်ထိုးပေးဖို့ လိုအပ်ပါတယ်။
Dr. HtetHtetAung
www.drmyanmar.com
ဆရာဇီဝက(မြန်မာတိုင်းရင်းဆေးများ) ဆိုသည့်အတိုင်း
No comments:
Post a Comment